Le prope un de special per me, e per toto la zent che ghe ignit che, som che a ricorda una persuno’, simpatico’, generoso’, altruisto’, buno’.
Tom perdit da qualche mes, la to’ mancanso’ la sa sent fes, ma po ta ricordem, e po le mei ,soprattutto anche al Tino Burli day.
Chesto’ giornado’ a te dedicado’, ta sa let prope meretado’, toch i ta stimo’ e an del quarter, tandet ben oltre al to’ doer.
Per tanc agn, ta ghet dat ‘na ma a la zent che lio’ an dificolta’, se ghero’ de anda an poso’ o farmacio, problemi prope ga nio mio.
An bicicleto’ o col mutur,i t’ampigniet al to faguti’, e ta consegnaet bolete e midisine, a toc i veci e le veciasine.
Per tot manerbe ta pedalaet, e tante persune te t’ancuntraet, al dopolavoro, dalo’ gneco, an piasol al bar impero, stasiu’ alto e baso’ e de la’ de la pocio, da Antonella e Giovanna.
Al dopolavoro, che bele taolade, a suga a ciapono, pasaem le giornade, le cominciaio’ sfide infinide, sa fermao la zent a arda le partide.
Cope, dener, spade bastu’, ta siet semper al centro de l’atensiu’, ta faet ulado an de la ma buno’, coi manigoch soi bras, e sol co la curuno.
Finit de soga ghe argu’ che sa lagno, Tino, vincente al leo so de la scagno: anche oggi ringrazio questi giovanotti a cui ho vinto i soldi per ami e cagnotti, adesso vado a pescare in qualche canale ma domani, ritorno, perché non sono venale!
Ta ghet fat tant sport, ta ghiet pasiu’, an de la marzotto ta sogaet a balu’, con te e i tre gandi’ fao zogadur, anche al mitico Maggi, al masagiadur.
Ta piasiu dopra’ la cane da pesco,’ col setol so l’am che ‘l fao de esco, e come toch i bresa’ oltre che pescadur, ta set cimentat come casadur.
Anche al ping pong ta ghiet so la ma, a l’albergo marzotto andaem a soga, lio gestit da sorele, cioe’ amparentade “le Canosiane da te scotemade.
Chel dei scotem, le’ un discors a parte, t’anventaet dei nom che io opere d’arte, ta bastao un second e dopo il rimirat, al poari ta liet sa batesat.
Ta siet prope ‘n artisto, e so a le vile, ghio zio bogio, sbogiomachine e sprafucile, le vile io prope al to reame, con barabo, pultruno’ ed il forcellame, ghio giu’ che de’ not al sgargiaio’ perenne, ise le’ deentat al cighial de le ardenne, ma anche te ta ga niet giu’bel, i ta scotomat Tino campanel.
Sa salvao nusu, dal calvario a la melo’, maio’redech, pinkerson, maio miselo’, al duce maio cine, scarpo lestro’, toch i ga un nom, pinsi che paol trocol lio mio un om!
Te al stabiliment ta ghet semper laorat, al secont turno ta ghet semper fat, ise con Lino Prandi ta ciapaet l’ocasiu’, la matino, per l’albergo de fa le comisiu’.
Un ‘uro de mutuo ta let mai marcado, an menso’ la seno ta ghet semper consemado, su sughi e cotture il tuo umorismo il segno lascia: oggi pasta alla puttanesca e bistecca alla ganascia.
Tino quante che ne sares de conta’, come chelo de barabo’ a la fero de mila’, finit de visita’ toto’ l’espusisiu’, de fero’ ghif vest un tindu’.
Nel veder al circo, ta ghe vest l’oracol, sif andach de’ corso’ a lo spetacol, ghio un domadur so la pisto de sabbio, che sfidao an spetadur ad anda an de la gabio.
Per entrare nella gabbia, ci vuole coraggio, ma una lauta ricompensa avra’ in appannaggio alzi la mano chi per l’occasione vuole sfidare il fiero leone!
Nel senter dal domadur la cifro usibido, la ma de tino le subit salido, entro io in gabbia con le tue fiere e quando son dentro faccio il giocoliere!
Antat che le bale le andao per ario, da la tribuno l’amico al mitio an guardio: Tino tranquil scapo’ mio’ vio’, tanto al liu’ al ta pio’ mio’.
Te co la front de sudur amperlado, la risposto perfeto ta let subit troado: barabo go mio poro’ de eser piat ma go poro de eser maiat!
Me recorde’, d’istat ghio la melo meno mal, andaem so con canigio, Mor, Franco Gal, Pizzamiglio, al Marines, Musino, Mantoaa, Brino, Remo, al Bacani’ dela macio, tra muschi’ e taa.
Quando ghiem fam e vuliem mangia un bucu, ta siet te che ciapo’ le ordinasiu’, a chi ordinao pa e salamino ta siet na potenso, ta ga domandaet “con mosche o senso?”.
O che la olto an germanio che belo atmosfero, siem an de ristorant a Monaco de Baviero, ristorant Italia gestit da ‘n omasu’ sa belo gnec totalter che bu’.
Lio’ anvers perch’e a un client, de chel che ghio’gandao be nient ,aluro’ al ga dis al camerer con de an ma le portade, se gaa be gna chesto al case fero’a pesade.
Al nost taol nel’ascolta’ chele minace, ghe deentat smort le nostre face, olter che catif usa’ e fas senter, al padru’ al ghio i bras come Bud Spencer.
Eco rio al camerer con gli ociai de la visto, e dei antipasti al comincio’ a leser la listo, gom salam, copo, panseto persot…, e Tino: porto chel che ta ghet che va be tot.
A chentale tote che sa pol mio, bisognares scrier ‘n enciclopedio, come chelo che ta ghe fat a piero berte’, che ‘l mangiares pasto tre olte al de.
An tedesc a lu ta ghet ordinat na minestrino, a te spagheti, na belo fundino, piero al v’odio i fons e ghe riat tagliatelle e cavreol con porcini.
Senso conta quando an ferie sief an du, so a rimini te el silver bertu’, silver lio’ meta’ denter de ‘n casonet, de foro te tal tigniet per i sgherlech, al ghio sbatit denter la robo neo’ e neto’, ghe riat i carabinier co’ la camioneto’.
Ma recorde a utuer de l’an pasat, al to complean ta ghet anvidat a l’orologio de otalenc con forcheto’ e coltel Piero Vespo, Piero Maio miscelo, e Tino Campanel
che belo’ compagnio’,gon mangiat casali’ casunsei, galino ripieno’ un bicer de vi le’ stado’ geno de le po’ bele sere gom festegiat le to’ novanti’ primavere.
Come!? Novanti’ agn, goi sintit mal? Ise la parlo’ la padruno del locol la sa sento’ zo’ con noter tre “al dolce, insiste, al v’ofre me!
Tino, da la gentileso’, colpit al resto: siuro’ garese’ un altro’ richiesto’; ansemo’ a la turto’ e la cortelo’ de’tai la portes an taolo’ anche tre portogai.
Con am ma i tre aranci’ per lu’ le n’ piaser al centro de la salo’ al fao’ al giocolier giro’ gli agrumi an de le ma esperte i clienc i ta ardo’ con le boche dee’rte.
Nel veder l’artisto’ e la so’ abilita’ teto’ la zent,la cioco’ le ma i ga molat le forchete’ con anfilsat al bucu per appltudir, convinti, la to’esibisiu a novanti’ agn, ma per te le’ normale ta set chel po’ brao a fa gira’ le bale!!
Tino,Tino, ta gha manchet fes, ta siet un istitusiu’ per tot al paes, ma manco con te, i de an letisio’, le grant ciciarade, la nostro amicisio.
Ta met semper domandat, de scrier un liber, con de le me storie scriide andialet, ise go mitit so, sta storio’ nostrano’, dedicado a te an linguo bresano’.
Ta set stat giu’ dei poc de manerbe, a mio rispeta’ un antico proerbe “nemo propheta in patria” dit an latino, al val per tanch ma mio per Tino.
So prope content de igo partecipat, a la giornado’ che i ta dedicat, Tino le part de la nostro storio’, gom de tegner vif la so’ memorio’.
Ma semeo de idit, dico davvero, soga a ciapono contro San Piero, te con la curuno’ lu con l’aureolo, con alter du angei sentai so a taolo.
Ta ghet odat la scarsele, coi carec e i lis ,ta podet compra’ i cagnoti anche an paradis,
anche i santi hai cotto a puntino ciao caro amico, ciao grande Tino!
